Filetas de Cos

Filetas de Cos

Biografía
Nacemento	século IV a. C. Cos, Grecia
Morte	p. século IV a. C. Cos, Grecia
Actividade
Ocupación	lexicógrafo, epigramatista, poeta, escritor, lingüista, gramático
Alumnos	Zenódoto de Éfeso, Teócrito e Hermesianax (pt)
Familia
Pai	Telephos
Descrito pola fonte	Realencyclopädie der classischen Altertumswissenschaft (pt) Dicionario Enciclopédico Brockhaus e Efron Real'nyj slovar' klassicheskih drevnostej po Ljubkeru (en)

Filetas de Cos, nado en Cos c. -340 e finado c. -285, foi un poeta e filólogo grego, o primeiro da escola filolóxica alexandrina.

Traxectoria

Foi escollido por Ptolomeo I como instrutor do seu fillo do mesmo nome, nado o -308. Compuxo elexías, breves poemas épicos e epigramas. Teócrito e Calímaco enxalzárono e tivéronlle en gran aprecio. Tivo por discípulos a Zenódoto de Éfeso e a Hermesianacte de Colofón. Algúns atribúenlle algúns poemas con formas de obxectos, pero o certo é que foi un dos primeiros en aspirar á brevidade e á condensación. Como filólogo estudou a lingua de Homero e compuxo unha miscelánea que compilaba e explicaba expresións dialectais inusitadas, termos técnicos e arcaísmos empregados na Iliada e a Odisea que xa na súa época aparecían como inintelixíbeis. Estas Glosas foron o comezo da erudición crítica alexandrina, da escola filolóxica alexandrina, que tería continuación en Antímaco de Colofón, Zenódoto de Éfeso, Calímaco, Eratóstenes, Aristófanes de Bizancio e Aristarco de Samotracia.

Véxase tamén

Ligazóns externas

• Wikimedia Commons alberga unha categoría multimedia sobre Filetas.